Adeegyada loo qabanayo ardeyda wax ka barata jaamacadaha dalka

Mar kasta oo ay sii bataan ardeyda soo qalinjebineysa, isla markaana kororka ardeyda qalinjebineysana uusan la socon horumar dalku ku tallaabsanayo, waxaa adkaaneysa inaad hesho dareenka dadka wax shaqaaleysiiya. Jaamacad laga baxo micnaheedu maaha in qofku dhan kastaaba ka dhisan yahay. Waxaa suurtogal ah in waxyaabaha aad ku hanan karto dareenka dadka wax shaqaaleysiiya aanad ku baran machadka ama jaamacadda. Haddaba Afro Education waxay ardeyda jaamacadaha gacan ku siineysaa sidii ay suuqa u soo gali lahaayeen iyagoo dhinacyo badan ka diyaarsan, lana socda waxa suuqa ka jira.

Dhinacyada aan ka dhiseyno ardeyda machadyada sare iyo jaamacadaha waxaa ka mid ah:

1. Sidii ay ku qori lahaayeen CV soo-jiidasho leh, kana soo dhex muuqda CV-yada kale ee la tartamaya. (maxaa CV-ga lagu xusaa, maxaanse lagu xusin?)
2. Qaabka ugu fudud ee loo raadsado shaqooyinka
3. Isku-xirka ardeyda soo qalinjebisa iyo dadka wax shaqaaleysiiya.
4. Sida ugu fudud ee aad saameyn ugu yeelan kartid qofka wax shaqaaleysiiya marka wareysi lagula yeelanayo. (Qaabkeed u saameyn kartaa diyaargarow buuxa?)
5. Sideed uga fogaan kartaa khaladaadka lala kulmo marka shaqo loo galayo imtixaan qoraal ama wareysi ah.
6. Sida loo sameeyo Khudbo soo-jeedinta xirfadeysan
7. Sida loo qoro warqadaha oo Ingiriisi ah
8. Sideed shaqooyin uga raadsan kartaa dalka dibeddiisa?