Adeegyada Bahda Waxbarashada

AEC waxa ay adeegyada soo socda u qabaneysaa jaamacadaha, dugsiyada iyo hay’adaha waxbarshada ku shaqada leh ee daneynaya inay kobciyaan waxqabadkooda:

Xayeysiin

Afro Education waxay gacan kaa siineysaa sidii aad jaamacaddaada, dugsigaaga ama hay’addada waxbarasho uga dhigi lahayd mid hanata magac weyn. Waxaanu diyaarineynaa barnaamijyo tayo leh, isla markaana qiimo jaban ku kacaya oo aad sare ugu qaadi karto magaca aad ku leedihiin dalka iyo dibedba. Haddaba si ay taasi u hirgasho, AEC waxay kaa caawin kartaa:

• Inaad diyaariso qoraal ka tarjumaya cidda aad tahay iyo waxqabadkiinaba (institution profiling). Qoraalkaas oo noqonaya buug ka hadlaya jaamacadda, machadka ama dugsiga.
• Inaad qabato barnaamijyo aad dadweynaha ku gaarsineysaan ujeeddooyinkiina, waxqabadkiina, iwm.
• Inaad sameysataan bar internet oo dhambaalkiina aad ku gaarsiin kartaan dunida daafaheeda.

Xiriirka Jaamacadaha/Machadka/Hay’adaha Shisheeye

AEC waxay sidoo kale gacan ka geysan kartaa sidii jaamacadaha, dugsiyada iyo hay’adaha ka dhisan dhulka Soomaalida ay xiriir wax wada-qabsi ula sameyn lahaa dhiggooda dalalka shisheeye.
Diyaarinta cilmi-baarisyo
AEC waxay u diyaarineysaa jaamacadaha, dugsiyada iyo hay’adaha waxbarashada daraasad cilmiyeed khuseysa hadba dhinacyada ay doonayaan inay macluumaad ka helaan. Sidoo kale waxay AEc u gudbineysaa jaamacadaha, dugsiyada iyo hay’adaha waxbarashadaba sida ardeyda iyo waalidiintu u arkaan waxqabadkooda.

La-talinta furitaanka dugsiyo cusub

Dhulka Soomaalida oo goobaha waxbarashadu aad u yar yihiin, waxaa lagama maarmaan ah in laga shaqeeyo sidii loo dhiirrigelin lahaa cid kasta oo qorsheyneysa inay dugsi furto, ha ahaato dowlad, hay’ad, shirkad, shakhsiyaad, iwm.
Afro Education kaala talineysaa go’aan-ka-gaarista goobta dugsiga laga furayo, qorshaha istraatiijiyadda mustaqbalka, maareynta maaliyadda iskuulka, shaqaaleynta bareyaasha iyo shaqaalaha kaleba, iwm. Sidoo kale AEC waxay qiimeyn ku sameyn doontaa baahida loo qabo tababarka macallimiinta.